Dyrepoliti i Os?
Nyleg vedtok Stortinget at det skal koma dyrepoliti på Vestlandet. Ein Os & Fusposten-lesar meiner at Os hadde vore ein ypparleg plass å plassera den nye innsatsstyrken.
Sogn og Fjordane og Hordaland får sitt eige dyrepoliti. Det blei kjend under ein pressekonferanse i slutten av november. Dyrepoliti blei innført i Noreg for første gong som ei forsøksordning i Sør-Trøndelag politidistrikt i 2015. Seinare har ordninga også kome til Rogaland og Østfold. Det vil bli øyremerka pengar til nye stillingar ved Vest politidistrikt i løpet av 2018.
Ein Os & Fusaposten-lesar meiner at Os passar utmerkt til å få dyrepoliti.
Artikkelen held fram under annonsen.
– Vi har Fjellanger Hundesenter her. Det er også ein dyreklinikk i kommunen. Det er også godt terreng for dyrepolitiet å jobba i. Det ligg godt til rette for dyrepoliti i Os, seier vedkommande, som også svært gjerne skulle ønske at det blei sett av midlar til å styrkja politistyrken generelt.
