Eitt år sidan krigen braut ut. Slik vert dagen markert i Bjørnafjorden
Inviterer til tverrpolitisk markering.
– På eittårsdagen for Russlands angrep på Ukraina, inviterer vi til ei tverrpolitisk markering for å visa samhald og styrke i vår støtte til Ukraina, skriv den ukrainske foreininga i Bjørnafjorden på Facebook om dagens markering.
I dag vert det arrangert støttemarkeringar over heile verda og på rundt 65 stader i Noreg - frå Kirkenes i nord til Kristiansand i sør.
Artikkelen held fram under annonsen.
– Møt opp og vis at vi er mange i Noreg som støttar Ukraina, oppmodar den lokale foreininga.
Markeringa startar ved Kløvertun med sal av faklar. Fakkeltoget går til Vognhallen. Her vert det velkomsthilsen, Ukrainas nasjonalsong ved Tetiana Sorochan og eitt minutts stille for krigsoffera.
Ordførar i Bjørnafjorden kommune, Trine Lindborg, leiar av Den Ukrainske Forening i Bjørnafjorden, Julia Tveit, leiar av Familiens hus, Linda Hevrøy, og leiar av flyktningtenesta, Marita Hjelle, er mellom dei som skal halda appell.
Det blir også kulturelle innslag.
Arrangørar er Den Ukrainske Forening i Bjørnafjorden, i samarbeid med lokale organisasjonar og kommunen.
