Politiet har oppretta sak etter trafikkuhell ved Kaland skule

Føraren, ei kvinne i 20-åra, vart teken med til Os legevakt.

Politiet har vald å oppretta sak etter at ein bil køyrde i autovernet ved Kaland skule litt før klokka halv ti onsdag.

Føraren, ei kvinne i 20-åra, var åleine i bilen. Ho framstod vaken og medviten og verka uskadd. Litt seinare melde politiet at ho vart frakta til legevakta på Moberg i ambulanse.

Kollisjonsputa vart utløyst i kollisjonen, og bilen vart ståande i eine køyrefeltet.

Dermed oppstod trafikale utfordringar på staden.

Klokka 10.20 opplyser politiet på X at dei er ferdige på staden. Vidare fortel dei at det er oppretta sak.

Autovernet har fått skadar som må utbetrast, men vegen er rydda og open for normal trafikk.