Etterlengta Isushi-opning i dag
Nær eitt år etter at dei melde sin ankomst opna Isushi restauranten i Bjørnegården onsdag.
Osingane har venta lenge på den nye restauranten i dei gamle lokala til Nordea, og forventningane til sushi-restauranten har rukke å veksa seg store.
- Me har registrert at det er mange som gler seg og som ser fram til å koma her å eta. Dei skal ikkje bli skuffa, seier Hanne Sædal.
Artikkelen held fram under annonsen.
Ho er ein av fire servitørar, og einaste osing blant dei totalt ni tilsette som skal jobba i restauranten i Os.
Første skikkelege restauranten
Gründer og Isushi-eigar Roger Johannessen presiserer at restauranten i Os er bedriftas flaggskip.
- Me har fem andre avdelingar i Bergen, men samtlege av dei er meir for take-away-avdelingar å rekna. Dette er vår første skikkelege restaurant. Me går all-in i Os, smiler Johannessen.
Restaurantsjef i Os vert Oslo-jenta Cecilie Nordhagen. Ho har vore barsjef og servitørsjef i Oslo i fleire år, før ho møtte ein bergensar og flytta over fjellet for litt sidan.
- Eg har berre vore tilsett i Isushi i litt over ein månad, men eg gler me veldig til å koma i gang. Eg meiner me har eit veldig breitt og godt tilbod til osingane, til hyggjelege prisar - og kokkane våre er utruleg flinke, seier Nordangen.
50/50-meny
Sjefskokk i Isushi, Vincent Blanco, vil vera mykje i restauranten i Os i månadene framover. Utanom er det tilsett tre kokkar for denne avdelinga.
- Eg er kokke-sjef for alle avdelingane, men det er klart: Eg vil vera ekstra mykje i Os no i starten for å sjå til at alt går som det skal, seier filippinaren som har 13 års erfaring som sushi-kokk.
Han trur osingane vil finna noko for ein kvar smak på menyen.
Artikkelen held fram under annonsen.
- Me har prøvd å miksa japansk-inspirert mat og norsk mat 50/50, fortel Blanco.
Loungeavdelinga snart ferdig
Den nye restauranten har plass til godt med gjester på dei i overkant av 300 kvadratmetrane. I tillegg til den reine restaurant-delen kjem også ei eiga lounge-avdeling mot Brugata.
- Denne er ikkje ferdig enno, men eg reknar med at me får opna ho når me får alkoholservering om eit par vekers tid.
- Korleis vert det i loungeavdelinga?
- Der vert det bogesofaar, shuffelboard og eit par storskjermar for sport og fotballkampar. Målet vår er at restauranten her i Os vert ein samlingsplass for svoltne og tørste, pratesjuke og folk som generelt sett ønskjer litt stoveforandring, smiler Johannessen.
Han nyttar høvet til å skryta av alle osingane som har vore positive til han og Isushi etter at dei melde sin ankomst.
- Det har vore heilt vilt. Den videoen de i «Os og Fusaposten» la ut på måndag har jo gått sin sigersgang på nettet. Folk er svært positive. Eg berre håpar dei også er flinke til å bruka oss, seier han.
Ein annan ting han er positivt overraska over er all hjelpa dei har fått.
Artikkelen held fram under annonsen.
- Det må eg berre få seia. I går drog ein Elkjøp-tilsett her i Os heilt til Askøy for å henta nokre feste for å kopla opp høgtalar-anlegget, og Henning i Lilleballong stilte på dagen og trylla fram desse flotte ballongane. Osingane verker å vera eit svært service-innstilt folk, smiler Johannessen.
