Fekk melding om partyflåte med påhengsmotor og grill som «hang» i ein tynn tråd
Politiet rykte ut til Drange.
Vel kl 14 onsdag fekk politiet melding om ein "partyflåte" med påhengsmotor, grill, og sitjegruppe som skal ha vore fortøydd «i ein tynn tråd» ved Balandsneset på Drange.
– Meldar var redd for at han ville slita seg på grunn av sterk vind, fortel politioverbetjent Anne Lyssand.
Artikkelen held fram under annonsen.
– Brann overtok dette oppdraget. Dei ville dra ut for å sjå på "partyflåten".
Vel kl 04 natt til torsdag tok politiet ein tur innom Knutabruo. Patruljen møtte ingen personar ved nokre av fellesområda. Det var rydda ved gapahuken nærast brua og pantegods var lagt i posar.
– Dessverre var det ein velta benk og ei velta bålpanne som låg på bakken ved grillområdet . Patruljen tok bilete, fortel Lyssand.
