Flotte kunstverk frå Fusa-elevar
Elevar frå Fusa vidaregåande skule har laga flotte kunstverk som dei har gjeve som gåve til det nye gjenvinningsanlegget i Fusa.
På Fusa vidaregåande skule står miljøarbeid svært sentralt, og ein brukar både internasjonale prosjekt og tema i programfag (som i visuelle kunstfag) til å gje elevar og lærarar inspirasjon til ein miljøvenleg kvardag.
- At skulen er sertifisert miljøfyrtårn, hjelper oss også med å halda rett miljøfokus i det daglege, seier rektor Tor Johannes Hjertnes.
Artikkelen held fram under annonsen.
To av elevane som går andre året på studieførebuande med formgjeving i visuelle kunstfag, var til stades under opninga av det nye gjenvinningsanlegget. Tre av kunstverka som klassen deira har laga, heng no på veggen inne i brukthallen.
Alle kunstverka er laga av bruktting dei har sett saman.
- Portrettet er laga av boksider, og så har ei klasseveninne måla dette andletet oppå, fortel Victoria og Sunniva.