To involverte: Krasjet skjedde i krysset ved Kiwi Idrettsvegen. Foto: Øystein Lid

Førarkort beslaglagt etter ulukka ved Idrettsvegen

Det er oppretta sak etter front mot front-krasjen i Byvegen søndag ettermiddag.

To bilar var klokka 16.09 søndag involvert i ei trafikkulukke på Byvegen ved krysset til Idrettsvegen.

Førarane, som var åleine i bilane, vart tilsett av helsepersonell på staden. Ein person vart køyrd til lokal legevakt for sjekk.

Idrettsvegen: Krysset der ulukka skjedde ligg om lag ein kilometer nord for sentrum av Osøyro. Foto: Skjermdump

Politibetjent Morten Haugland ved Bjørnafjorden politistasjon opplyser måndag at det er oppretta sak på forholdet.

Det er også teke beslag i eit førarkort.

— Vidare etterforsking vil prøva å få klarheit i hendingsforløpet.