Fusing ny prosjektredaktør i NRK
Jan Egil Ådland går frå stillinga som dagleg leiar i Monster Entertainment.
– Få leiarar i denne bransjen har klart å levera så mykje strålande innhald til publikum som Jan Egil. Vi er sikre på at han vil bidra til å styrkja NRKs posisjon som ein innovativ leverandør av unikt norsk innhald, seier Petter Wallace, sjef for NRKs eksternredaksjon i ei pressemelding frå nettopp NRK.
Som ny prosjektredaktør skal journalistutdanna Ådland leia ei rekkje av NRKs eksterne produksjonar framover. Han vert også ein del av redaktørgruppa som har ansvar for NRKs satsingar i den uavhengige produksjonsbransjen.
Artikkelen held fram under annonsen.
Som leiar av Monster Entertainment har Ådland mellom anna vore ansvarleg for produksjonar som «Stjernekamp», «Skal vi danse?», «Hvem tror du at du er?», «Datoen» og dei komande seriane «Gåten Orderud», «10 på topp» og «Superhundene».
Ådland er naturlegvis frå Ådland i Fusa.
Anne Marie Aarøen Vangsnes
anne-marie@osogfusa.no
