Grønt nivå i barnehagar og skular frå neste veke
Bjørnafjorden kommune gjer som Bergen, trass høge smittetal.
Kommunal kriseleiing (KKL) i Bjørnafjorden kommune har i dag vedteke å innføra grønt tiltaksnivå ved barnehagar og skular frå neste veke.
* Grønt nivå i barnehagane og vaksenopplæringa frå måndag 17. januar.
Artikkelen held fram under annonsen.
* Grønt nivå i barne- og ungdomsskulane frå tysdag 18. januar.
* Ordinær drift i kulturskulen frå måndag 17. januar.
Unntaket er Os ungdomsskule som inntil vidare held fram på gult nivå.
Barnehagar og skular skal drive smittevernfagleg forsvarleg. Dersom smittesituasjonen tilseier det, kan ein enkelt barnehage eller skule difor innføre eit høgare tiltaksnivå.
Også Bergen kommune vedtok i dag å driva vidare på grønt nivå.
Bakgrunnen for endringane:
Regjeringa har letta på ein del smitteverntiltak, mellom anna for karantene for øvrige nærkontaktar, fritidsaktivitetar, tiltaksnivå i barnehage/skule og skjenking.
Påbod om munnbind, restriksjonar for arrangement og heimekontor for dei som kan, gjeld framleis.
Sjå alle dei nasjonale reglane og anbefalingane som gjeld no.
Artikkelen held fram under annonsen.
