Gult farevarsel: Måndagen blir sleip og glatt
Mildvêr gir fare for islagde vegar ved starten av ei ny veke.
Meterologisk Institutt har sendt ut gult farevarsel som gjeld frå mandag morgon til tysdag morgon for delar av Vestlandet, inkludert Bjørnafjorden.
Frå måndag er det lokalt fare for is, på grunn av overgang til mildvêr.
Artikkelen held fram under annonsen.
Det er venta snø og sludd som går over til regn, og gradvis stigande snøgrense. Det er moglegheit for regn som kan frysa på kald bakke.
Nedbøren er venta fyrst i ytre strøk i nord, før han breier seg austover og sørover.
Rådet er å vera ekstra merksam fordi isen kan vera vanskeleg å sjå. Kanskje er det også lurt å leita fram broddar om du har slikt liggande.
Som alltid gjeld det å berekna ekstra tid til transport og køyring. Bruk riktige dekk og køyr etter tilhøva.
