— Han var god til å sjå menneska rundt seg
På begge sider av Bjørnafjorden var det opne kyrkjer for dei som ville minnast kong Harald. I Fusa var dørene til Fusa kyrkje opne frå 15.00 til 18.00.
Margunn Sæther hadde saman med ektemann Harald Geir Sæther funne vegen til kyrkja for å minnast og finna trøyst i ei tung tid. Ho meinte den avlidne kongen hadde vore eit fantastisk menneske.
— Me er veldig heldige som fekk ha den kongen så lenge. Han blei jo ein gamal mann, sa Margunn.
Annonse
Ho beundra han ikkje minst fordi han stod løpet ut. Han hadde ein «modell» i dronning Margrethe av Danmark som valde annleis, noko ein måtte ha respekt for.
— Han hadde helsevaskar, og eg synst at det er viktig at dei som har det, også synest og høyrest i samfunnet vårt i dag. Det var han ein god modell for, sa Margunn.
Kyrkjegjengaren meinte også det var viktig at den tidlegare kongen var seg sjølv.
— Han var humoristisk og veldig flink til å sjå gode poeng og få folk til å slappa av i sitt nærvær. At han såg menneska rundt seg, avslutta Margunn Sæther.
Annonse
Fusa kyrkje held også ope laurdag 15.00-18.00. På søndag vert det markering i samband med gudsteneste i Strandvik kyrkje kl. 11.00 og i Sævareid kapell kl.16.30.
Os kyrkje vert open laurdag 15.00-18.00 og søndag 13.00-16.00.
