Haukeland har sett opp eiga fødestove for koronasmitta
Ei eiga fødestove ved Kvinneklinikken på Haukeland Universitetssjukehus er no sett av til fødande med mistenkt eller stadfesta koronasmitte.
Dersom ei kvinne trur ho kan ha vorte smitta med koronaviruset eller er i karantene, vil ho få på seg munnbind med ein gong ho kjem til Kvinneklinikken, skriv Bergens Tidende.
Den fødande vil så bli ført inn til koronafødestova, der ho vil bli teken hand om av ei jordmor med smittevernutstyr, fortel direktør Susanne Albrechtsen ved Kvinneklinikken til avisa.
Artikkelen held fram under annonsen.
– Kvinnene vil få den oppfølginga dei har behov for, seier ho.
(©NPK)
