Hundepatruljen fann mann som stakk til skogs

Litt før midnatt skal ein person ha kontakta politiet, etter at vedkomande hadde fått ein framand bil på tunet.

Bilen skal ha køyrd inn i hagen og treft meldar sin bil.

– Føraren sprang frå staden og inn i skogen, men blei funnen av hundepatruljen. Framstår svært rusa, skriv Tore-Andre Brakstad, operasjonsleiar i Vest politidistrikt.

Personen vart framstilt for blodprøve. Politiet opplyser også at det blei gjort funn av narkotika i tilknyting til vedkomande, som vart pågripen.