Kald, våt og nedkjølt blei ein 70 år gamal kajakkpadlar henta opp frå sjøen
Det blei ein dramatisk ettermiddag for ein kajakkpadlar som kantra etter nesten å ha blitt påkøyrd av ein båt.
Helse og Os brann og redning rykte ut til Kvernevika på Strøno i ettermiddag. Klokka 14.50 fekk brannvesenet melding om ein 70 år gamal kajakkpadlar som nesten var blitt påkøyrd av ein annan båt.
– Hekksjøen frå båten gjorde at kajakken kantra og mannen hamna i sjøen, seier brannsjef Stein Gjøsund.
Artikkelen held fram under annonsen.
Mannen hadde tørrdrakt på seg, men drakta var ikkje heilt tett.
– Han blei liggjande i 30 minutt i fjorden før han blei plukka opp. Våt, kald og nedkjølt blei han teken hand om og køyrd til sjukehus, seier Gjøsund og legg til:
– Eg vil oppmoda båtførarar til å sjå seg godt om når ein er på sjøen og det er låg sol. Eg vil også oppmoda kajakkpadlarar om å sjekka at tørrdrakta er heil og utan lekkasjar. Det kan vera skilnaden på liv og død.
