Kan ha overvakingsbilete etter tjuveri på Lepsøy

Årets fyrste båtmotortjuveri er eit faktum.

Tysdag morgon var ein politipatrulje på Lepsøy og snakka med ein person som hadde blitt fråstolen båtmotoren sin.

Politiet har oppretta sak. Det er mogleg at det finst videoovervaking frå staden.

Same morgon fekk politiet melding om glatte vegar på Søfteland. Vegtrafikksentralen vart kontakta og overtok oppdraget.

Tysdag kveld litt før klokka 20, vart det funne ein hund i Hatvikvegen. Finnaren tok vare på hunden.

Politiet vil kontakta finnaren i dag dersom dei finn rett eigar.