Koronaviruset: Kommuneleiinga kallar inn til pressekonferanse
Kommuneleiinga har hatt møte i ettermiddag. I kveld blir det pressekonferanse.
Møtet i ettermiddag skal ha vore for å diskutera og vedta tiltak for å førebyggja spreiing av det nye koronaviruset i kommunen. Pressa er invitert til rådhuset onsdag kveld då kommuneleiinga skal orientera om kva restriksjonar og tiltak som blir innført.
Kommunedirektør Christina Fotland, fungerande ordførar Mikal Leigland og fungerande kommuneoverlege Bjørn Petter Johannesen kjem til å vera til stades.
Artikkelen held fram under annonsen.
Kommunen opplyser samstundes via nettsidene sine, at alle klasseturar for barne- og ungdomsskuleelevar, er avlyst.
– Reiser, sjølv innanlands, inneber mange kontaktpunkt og aukar risikoen for smitte. Vi forstår godt at dette er skuffande for elevar og lærarar som gler seg til å reisa på tur. Samstundes håpar og trur vi alle forstår at det er nødvendig å gjennomføra tiltak for å hindra smitte, skriv kommunen på sine heimesider.
