Kva skal vera namnet på det nye parkeringshuset? Kommunen ønskjer forslag

Til hausten opnar eit nytt parkeringshus på Osøyro. Kommunen vil no at innbyggjarane skal koma med forslag til namn.

— Til hausten opnar det eit nytt parkeringshus på Osøyro som skal avhjelpa den vanskelege parkeringssituasjonen i sentrum, skriv kultursjef Erik Vangsnes i ei pressemelding.

Kommunen ønskjer tips til namn på parkeringsanlegget.

— Bygget blir liggjande på det som tidlegare var innmarka på Os prestegard og som i seinare år har vore grusbanen ved Os ungdomsskule. Kanskje namnet difor skal vera Os parkeringshus? Næraste nabo er Minneparken som ligg på Giskavollen. Giskavollen er òg namnet på vegen parkeringshuset skal liggja til. På andre sida av anlegget mot aust går vegen som heiter Landboden. Anlegget ligg samstundes på Osøyro — her er det med andre ord mange namnealternativ, skriv kultursjef Erik Vangsnes i pressemeldinga.

Skal vi kalla det parkeringshus eller berre kort parkering, t.d. Osøyro parkeringshus eller Giskavollen parkering?

Kommunen skriv at ein kan gje tilbakemeldingar på Facebook eller senda forslag til post@bjornafjorden.kommune.no