Kvinne forsøkt svindla på Facebook
Politiet åtvarer alle Facebook-brukarar mot å oppgi personlege opplysningar.
Os & Fusaposten skreiv tysdag morgon at ei kvinne aust for sentrum var blitt forsøkt svindla av ein person som utgav seg for å vera politi.
No opplyser politioverbetjent Anne Lyssand at dette likevel ikkje stemmer.
Artikkelen held fram under annonsen.
Kvinna skal derimot ha blitt kontakta av det ho trudde var ein kjenning på Facebook.
I meldinga spurte vedkomande kvinna om ho kunne oppgi telefonnummeret sitt.
Kjenningen skal ha svart at kvinna hadde vunne pengar i ein konkurranse. For å få pengane, måtte ho oppgi fleire private opplysningar.
Kvinna tok då kontakt med kjenningen, og det viste seg at FB-kontoen henna hadde blitt hacka.
— Vi ber Facebook-brukarar til å IKKJE oppgi private opplysningar på Facebook. Det kan vera eit svindelforsøk.
Avskilta
Litt før klokka halv ni same kveld, vart eit køyretøy avskilta nord for sentrum. Årsaka var manglande EU-kontroll.
Politiet la igjen ein lapp på ruta til eigaren, ein mann i 30-åra.
