Melding om kniv på buss torsdag kveld: Mann og kvinne er meld
Då det blei observert ein kniv om bord i ein buss torsdag kveld, rykte politiet ut.
— Klokka 20 torsdag kontrollerte politiet ein buss etter melding om observasjon av kniv, utan at det skal ha vore ein trusselsituasjon. Eit par, ei kvinne og ein mann i 30-åra, blei tatt kontroll på av politiet, skriv politioverbetjent Christine J. Grindstein i ein e-post.
Vidare opplyser politioverbetjent Grindstein at mannen blei meld for å bera kniv på offentleg stad utan aktverdig føremål. Kvinna blei meld for kroppskrenking mot ein mann i 60-åra.
Artikkelen held fram under annonsen.
Mannen i 60-åra skal ikkje vera skadd som følgje av kroppskrenkinga, fortel Grindstein.
— Mannen som er meld for å bera kniv, har erkjent å ha bore kniv på offentleg stad utan aktverdig føremål, skriv Grindstein.
Promillekontroll
Torsdag morgon gjennomførte Utrykkingspolitiet promillekontroll på Halhjem ferjekai. Der skal dei ha stått i vel to timar. Grindstein skriv at 70 personar blei kontrollerte og at det ikkje var noko å reagera på.
Utrykkingspolitiet hadde seinare torsdag trafikkontroll på Halhjemsvegen. Der fann dei mykje å reagera på.
