Møter minister om barnevern

Fagfolk og lokale politikarar frå Os møter måndag barne-, likestillings-, og inkluderingsminister Solveig Horne (FrP) i Bergen på første av i alt fem møte her til lands.

Statsråden ønskjer å vite kva utfordringar kommunane står ovanfor når det gjeld å hjelpa utsette barn og familiar og å sikra gode oppvekstsvilkår.

- Å arbeida for eit betre barnevern er ein av mine hovudprioriteringar som barneminister, seier statsråd Solveig Horne (FrP). - Eg ynskjer å møta dei som jobbar med barnevern i kommunane, og som kjenner utfordringane på feltet. Slik kan vi læra av kvarandres erfaringar og utfordringar.

To tema

Dei to temaa som særleg skal diskuterast på konferansen er; korleis kommunen kan, gjennom tidleg arbeid med familien, og samarbeid med ulike sektorar, forebygga og unngå at barnevernssaker oppstår. Og korleis ein kan bruka hjelpetiltak i barnevernet mest mulig formålstenleg og målretta for å unngå ei omsorgsovertaking, og kva som skal til for å følgje opp utsette barn på ein god måte, når ei barnevernssak kjem opp.

Konferansen går av stabelen måndag 2. november i Bergen. I tillegg til Horne vil Fylkesmannen i Hordaland og Bufetat Vest delta på møtet i Bergen.

Statsråden skal ha møte i kvar av dei fem barnevernsregionane til neste år.