Promillekøyring i Eikelandsosen
Bilturen enda i arresten for føraren i 40-åra.
Poltitiet stogga i går ein bilist i Eikelandsosen sentrum rundt kl. 13.30 etter ei bekymringsmelding frå ein annan bilist.
– Føraren bles raudt og hadde høg promille. Førarkortet vart beslaglagt på staden før han vart frakta til lege for blodprøve, fortel vakthavande ved Fusa lensmannskontor.
Artikkelen held fram under annonsen.
Føraren, ein mann i 40-åra, er utanlandska borgar og politiet frykta at han ville forlata landet. Han vart difor frakta til arresten i Bergen.
Det er uklart kvar vedkomande er busett og politiet i Fusa skal ikkje ha vore i kontakt med vedkomande tidlegare.
Mannen vert avhøyrt i løpet av dagen og saka vert etterforska vidare. Det kan enda med både fengsel og bot.
anne-marie@osogfusa.no
