Innfører fleire tiltak for å forseinka spreiinga av omikronvarianten
Regjeringa forlengjer isolasjonstida for dei som testar positivt og ein trur er smitta av omikron-varianten. I tillegg blir det innført fleire tiltak.
Det opplyser regjeringa i ei pressemelding.
Dei nye tiltaka er:
Artikkelen held fram under annonsen.
* Isolasjonstida blir forlengd til sju dagar for dei som testar positivt og som det er grunn til å tru er smitta med varianten omikron.
* Det blir pålagd smittekarantene i ti dagar for husstandsmedlemer og tilsvarande nære personar det er grunn til å tru er smitta med varianten omikron. Desse har krav om PCR-test så snart som mogleg og dag sju før avslutning av karantene.
* Det blir innført testplikt for andre nærkontaktar. Dei skal testast med PCR-test så snart som mogleg og mellom dag tre og sju etter nærkontakten, og ein skal om mogleg unngå nærkontakt med andre personar fram til første test er negativ.
* Alle tiltaka gjeld uansett vaksinasjonsstatus.
* Pliktene stansar dersom det seinare blir stadfesta at smitten ikkje kjem av virusvarianten omikron.
