Rekordfunn: Hasjsmuglarar tekne på Halhjem
Orgkrim i Bergen etterforskar no ei smuglarsak der fire menn vart tekne på fersken på Halhjem like før jul 2018.
Dei fire menna, tre norske og ein dansk, vart tekne på fersken i det dei kom til land med ferja i ein bil fylt med store mengder hasj.
Os lensmannskontor sine lensmannsbetjentar pågreip dei fire og fekk beslaglagt den ulovlege lasta. I ettertid viste det seg å vera snakk om heile 150 kg hasj.
Artikkelen held fram under annonsen.
Dei fire mistenkte er i alderen 20 til 45 år. Dei tre norske er alle frå Vestlandet. Dei sit no i varetekt.
Observante passasjerar
Politiet i Os fekk telefon frå observante ferjepassasjerer, som meinte at dei fire oppførte seg mistenkeleg.
– Dette viste seg å vera rett. Då dei kom i land, stoppa betjentar frå Os lensmannskontor og fann desse bagane fulle av hasj, fortel politiadvokat Asbjørn Onarheim.
Han legg til at dei fire framleis sit i varetekt og at saka truleg er ferdig etterforska til sommaren.
kenneth.svenningsen@osogfusa.no
