Ser ikkje moglegheita til å driva vidare

Øyro AS, som har drive Kafé Engeline sidan januar i fjor, opplyser at kafeen no er stengt då dei ikkje ser moglegheita til å driva vidare.

– Vi vil takka alle gjestar som har vitja oss i tida vi har drive Engeline. Vi vil også takka dei som har gjort ein fantastisk jobb for oss, skriv dei på Facebook.

Tok over stafettpinnen

Det var Svein Arne Marcelius, saman med broren Sverre Østervold Marcelius og Terje Hatvik som oppretta aksjeselskapet, og tok over drifta på starten av fjoråret. Det skjedde om lag ein månad etter at søstrene Borghild Strønen og Dagrunn Fjellbakk varsla at dei ikkje hadde kapasitet til å driva Kafé Engeline vidare, og at dei ønskte å gje stafettpinnen vidare.