Smell utløyste væpna aksjon
Politiet i Os rykte ut på væpna oppdrag etter at naboar høyrde ein smell natt til onsdag.
- På bakgrunn av at det var høyrd ein smell hadde vi ei væpna utrykking til ei adresse i Os natt til onsdag, opplyser Audun Hadler-Olsen ved Os lensmannskontor.
I huset fann dei ein mann i 30-åra. I følgje Hadler-Olsen var han åleine då politiet kom.
Artikkelen held fram under annonsen.
- Vi tok beslag i våpen og ammunisjon, opplyser Hadler-Olsen.
Mannen blei pågripen og meldt for uforsiktig omgang med og ulovleg besittelse av skytevåpen.
Saka vil få ei rettsleg oppfølging, men mannen vart slept laus i går.
- Kjenner de til årsaka til smellen?
- Vi går ikkje ut med fleire opplysningar i saka, seier Hadler-Olsen.