Snart pol i Fjord´n
- Om alt går som det skal, opnar vinmonopolet i Fusa torsdag 24. september, fortel pressesjef Jens Nordahl. (NB: Oppdatert med ny opningsdato)
(I saka som fyrst vart publisert, var datoen sett til 1. okotober. Det rette er 24. september).
Utsalet vil bli å finna rett innanfor døra ved austre inngangen av kjøpesenteret. I første omgang vil utsalet bli ope torsdag, fredag og laurdag. Dette blir eit såkalla klasse 1-utsal.
Artikkelen held fram under annonsen.
- Dersom det er trong for det, slik som i samband med feriar eller oppunder jul, så kan det bli aktuelt å utvida opningstida. Me må skaffe oss kunnskap om dette etter kvart, forklarer Nordahl.
Minimum
Lokalet blir på 50 m2 med om lag 200 av dei mest etterspurde produkta.
- Desse produkta dekkjer 90 - 95% av dei varene kundane spør etter. Utsalet vil ha eitt kassapunkt. Me droppar lager og køyrer pallene rett inn i butikken.
Pressejefen forklarer vidare at oppdraget Vinmonopolet har fått frå eigaren Helse- og omsorgsdepartementet, er å driva utsal. Kvar eining har sjølvkost som minium og kan ikkje bli sponsa.
- Vår erfaring er at kundane er godt nøgde med det tilbodet dei får.
15.000
Dei som ønskjer anna enn det dei finn i hyllene, kan - som før - tinga desse via Vinmonopolet sine nettsider eller direkte på utsalet. Men levering på døra blir det slutt på, om ein då ikkje bur meir enn 3-4 mil unna.
- Me har totalt 15.000 ulike produkt, så ingen utsal har alt, avsluttar Nordahl.
Den offisielle opninga av utsalet vil ordførar Hans S. Vindenes stå for.