Søkte etter to mopedistar som “køyrde idiot”
Politiet fekk fleire meldingar onsdag etter observasjonar i trafikken.
I 10.30-tida onsdag formiddag skal politiet ha fått melding om ein bil som ikkje held vikeplikta. Dette skal ha skjedd i området ved Mobergsbrua, opplyser politioverbetjent Knut Magnus Fjeld, ved Bjørnafjorden politistasjon.
— Ingen operative tiltak frå politiet, skriv Fjeld i ein e-post.
Artikkelen held fram under annonsen.
Onsdag kom det melding om ein hengjar som stod i vegbanen på Strønevegen.
— Melder meinte at dette var trafikkfarleg. Patruljen blei send til staden for å vurdera, og var i kontakt med eigar, som skulle syta for å flytta hengjaren, skriv Fjeld.
Klokka 19.24 kom det melding om to mopedar som “køyrer idiot” og plaga andre trafikantar.
— Patruljen søkte i området utan funn, skriv Fjeld.
