– Sambandet er i drift att, men kan bli stengd på kort varsel
Måndag kveld blei ferja mellom Halhjem og Sandvikvåg innstilt grunna tåke. Kl 09.10 skal sambandet vera i normal drift att.
Rett etter klokka ni tysdag morgon, fekk Os & Fusaposten beskjed frå driftssjef Anders Tøsse om at det blir normal drift på sambandet frå klokka 09.10.
Samstundes blir det opplyst om at ein må rekna med forseinkingar. Torghatten Nord opplyser også om at grunna tåke, kan sambandet bli innstilt på kors varsel.
Artikkelen held fram under annonsen.
Det har i løpet av natta og morgontimane gått nokre ferjer mellom Halhjem og Sandvikvåg. Tysdag morgon har de vore lite aktivitet og det samla seg bilar på begge sider av fjorden før meldinga om normal drift kom.
