Treng 150 bøsseberarar til årets viktigaste søndagstur
Søndag 19. oktober går årets TV-aksjon av stabelen.
Publisert
Årets innsamling går til Atlas-alliansen, og skal opna dører for funksjonshemma som lever i krig og fattigdom.
— For å dekka heile Bjørnafjorden treng vi om lag 150 bøsseberarar. Vi håpar mange vil vera med og gå med bøsse, seier Stine Kobbeltvedt, dagleg leiar for Os frivilligsentral.
Annonse
Med seg i komiteen for årets TV-aksjon har ho: Hege Varhaug-Lekven, Os frivilligsentral, Kristin Almås, Fusa frivilligsentral, Yvonne Remes, frivillig, Anne Frotveit, frivillig og Marie Bruarøy, varaordførar.
Os frivilligsentral koordinerer på Os-sida, medan Fusa frivilligsentral koordinerer på Fusa-sida.
Kobbeltvedt fortel at fleire av bufellesskapa og Stjernelaget til Os handball alt har sagt ja til å gå med bøsse.
På tvaksjonen.no kan du enkelt registrera deg som bøsseberar.
Annonse
Dei siste åra har skuleelevar i Bjørnafjorden sprunge milevis til inntekt for TV-aksjonen.
Også i år har fleire skular meldt at dei skal arrangere skuleløp. Viss du ikkje får bøsseberarar på døra, kan du støtta spleisen til skulen i nærområdet ditt.
