Ungdomsrådet har vald leiar og nestleiar

Bjørnafjorden ungdomsråd har hatt sitt fyrste møte.

I møtet, som vart avvikla 27. januar, vart Erik Oltedal Lunde (Nore Neset ungdomsskule) vald til leiar, medan Ingvild Østby (Kongshaug) vart vald til nestleiar.

I mars i fjor vart det etablert eit interimstyret for Bjørnafjorden ungdomsråd beståande av følgjande representantar: Erik Oltedal Lunde (leiar), Vegard Fosså (nestleiar), Mira Hannisdal Nilsen, Ida Anette Isdahl, Martine Særvold Pedersen, Tommy Vold Gjeldsvik, Evgenia Taranova og Gaute Torgilstveit.

I tillegg til Erik Oltedal Lunde, vert Ida Anette Isdahl med vidare i ungdomsrådet. Tysdag 17. desember vart desse ni ungdomane valde som faste representantar i Bjørnafjorden ungdomsråd:

Abdalruhman Al-Saed (fri representant), Ida Anette Isdahl (fri representant), Ingvild Østby (Kongshaug musikkgymnas), Martin Bakke Slåttsveen (Os vidaregåande skule), Vegar Klyve (Os gymnas), Irmelin Lygre (Fusa vidaregåande skule), Joachim Reuter (Fusa ungdomsskule), Erik Oltedal Lunde (Nore Neset ungdomsskule) og Victoria Elise Lid (Os ungdomsskule).