Viste fram våpen

I 6-tida sundag fekk politiet melding om ein mann i 20-åra som hadde vist fram eit handvåpen på eit nachspiel i Hagavik. - Han sa han skulle ut og ta ein fyr, opplyser operasjonsleiar i Hordaland politidistrikt Morten Kronen.

24-åringen truga ingen med våpenet, men oppførte seg ifølgje politiet hissig og utagerande.

- Då han forsvann frå staden, vart dei andre festdeltakarane engstelege for kva han kunne finna på, og kontakta oss, fortel Kronen.

Politiet rykte ut, trefte på personen, og pågreip han utan dramatikk.

- Vi fann ein revolver i jakkelomma hans, opplyser operasjonsleiaren.

Ettersom personen var rusa, vart han teken med til legevakta i Os og klarert for varetekt.