Ung syklist krasja med bil på Søfteland
Ein syklist på 5-6 år støytte saman med ein bil fredag kveld.
Det var i ein sving at den unge syklisten skal ha skjena ut slik at ein bil køyrde i han. Politiet fekk melding om hendinga like før klokka 19 fredag kveld.
Til alt hell vart verken syklisten eller bilførar, ein ung mann, skadde.
Artikkelen held fram under annonsen.
– Guten vart sendt til legevakt for undersøking, men viste seg å vera uskadd, fortel vakthavande ved Os lensmannskontor.
Det er rutinemessig oppretta sak etter hendinga, men det er ikkje gjort noko førarkortbeslag i saka.
– Var guten åleine ute og sykla?
– Ja, det var han, men han hadde hjelm på.
