Runa inviterte til konsert for bebuarane i Os sjøfront: – Kvifor ikkje ha altankonsert her også?
Dei arrangerer jo altankonsertar i Italia og mange andre stader, så kvifor ikkje i Os også, tenkte DJ Runa, også kjent som Runa Solberg, og sytte for godstemning for sentrumsbebuarane på sjølvaste påskeaftan.
Klokka nærmar seg 17.00, og alt er klart til at DJ-en kan stiga opp i den 14 meter høge liften ho har fått låna frå Storum stillas. Liften er for høvet kledd i presenning, for å halda regnet ute.
– Du har ikkje høgdeskrekk?
Artikkelen held fram under annonsen.
– Nei, eg har arbeidd for same firma, så det går nok bra, seier Runa i det ho stig til vêrs.
Bilete 1 av 5
Topp stemning: Trass dårleg vêr, var stemninga på topp då Runa Solberg inviterte til altankonsert ved Os sjøfront i ettermiddag.Bilete 2 av 5
Topp stemning: Trass dårleg vêr, var stemninga på topp då Runa Solberg inviterte til altankonsert ved Os sjøfront i ettermiddag.Bilete 3 av 5
Topp stemning: Trass dårleg vêr, var stemninga på topp då Runa Solberg inviterte til altankonsert ved Os sjøfront i ettermiddag.Bilete 4 av 5
Topp stemning: Trass dårleg vêr, var stemninga på topp då Runa Solberg inviterte til altankonsert ved Os sjøfront i ettermiddag.Bilete 5 av 5
Topp stemning: Trass dårleg vêr, var stemninga på topp då Runa Solberg inviterte til altankonsert ved Os sjøfront i ettermiddag.– Spent på kor mange som kjem ut
Planen hennar er å spela vel 40 minutt med det ho kallar lettbeint allsong-musikk for vaksne. Første song ut er «Song til Os», etterfølgt av Billy Ray Cyrus «Achy Breaky Heart». På altanane står publikum og bebuarane i Os sjøfront og klappar takten.
– Det er litt tilfeldig at det vart konsert her. I Italia og andre stader arrangerer dei altankonsertar, så då tenkte eg at ein må jo kunna gjera det same i Os. Dermed vart det Os sjøfront, fortel Runa Solberg.
– Før koronatiltaka vart sett i verk, hadde eg spelejobbar kvar helg. Det er kjekt at det skjer noko i bygda trass stillstanden, seier Runa, og vedgår at ho er litt spent på kor mange som tek turen ut i det alt anna enn fine påskevêret.
– Lyser opp kvardagen
Ein som set stor pris på initiativet frå Runa, er Rita Helen Undheim.
– Konserten er ei beriking for dei som bur her. Runa skal få lammelår hjå meg etterpå som belønning, seier Undheim før ho tek seg ein svingom med Ole Marius Røttingen frå ProPyro til «La det swinge».
– Du må få med at ho har teke initiativ til dette heilt sjølv. Det er ingen som har bede ho om å gjera det, legg Undheim til.
På plenen mellom to av blokkene har det samla seg ei gruppe tilhøyrarar. Langs vegen stoppar nokre turgåarar spontant opp og byrjar å dansa til låten «YMCA». På altanane er det flagg, allsong og god stemning.
Artikkelen held fram under annonsen.
Blant dei som har stilt seg opp rett framføre liften og nyt musikken, er Bente Prestøy i styret til Os sjøfront.
– Då førespurnaden frå Runa kom, tente vi på forslaget med ein gong. Det bur mange eldre i blokkane som er mykje inne for tida. Konserten lyser opp kvardagen deira. All ære til Runa, seier Prestøy.
Konsertens avslutningsnummer var den svært så passande songen låten «Optimist» av Jahn Teigen. På det nummeret slo også Røttingen frå ProPyro til med nokre bluss, sjølvsagt.
– Då Runa ringte meg på måndag og fortalte om ideen sin, tenkte eg, kvifor ikkje? Vi stiller, seier Røttingen i det Teigens «Det går bra til sist» ljomar ut av høgtalarane over Os sjøfront.
