Dobbelt EM-gull til Anni Skåtun
17-åringen frå Fusa held fram med å sanka EM-gull. Anni Skåtun følgte opp fjorårets sukess i Tyskland med to nye gull i JKA-EM i Serbia i helga.
Skåtun kom heim seint i går kveld, og har nett rekt å få på plass medaljane i samlinga si.
- Kor mange medaljar har det blitt no?
Artikkelen held fram under annonsen.
- Medrekna konkurransar i Noreg, noregsmeisterskapen og internasjonale stemne, er det kring 40 gullmedaljar og 80 medaljar totalt. I Serbia tok eg gull i kata og i lagkata, saman med to jenter frå Bjørgvin Karateklubb, seier Skåtun.
Får oppleva verda
Det å tevla som internasjonal karate-utøvar medfører ein del reising, noko som betyr at Skåtun får vitja ulike delar av verda. Ho har som nemnt delteke i EM i Tyskland og i Serbia. I tillegg har ho debutert i VM for to år sidan. Det gjekk føre seg i Tokyo. Neste år ventar VM i Irland.
- Eg ser det absolutt som ein fordel å få reisa rundt i verda. Vi er stort sett den same gjengen som reiser, og eg trivst godt saman med dei. Det blir litt tid til sightseeing, sjølv om vi fokuserer mest på karate, seier Skåtun.
Trener kvar dag
I VM-debuten i 2014 var den beste plasseringa til fusingen ein åttandeplass i kata.
- Satsar du på pallplass i Irland?
- Nei, det kan eg ikkje seia. Det er så mange gode utøvarar på verdsbasis. Eg har som mål å forbetre åttandeplassen, seier ho.
No ventar ein pause frå stemne og arrangement, men det betyr ikkje at Skåtun ligg på latsida i sommar.
- Det er ein pause frå juni til august, men eg held fram med å trena bra.
Artikkelen held fram under annonsen.
- Kor mykje trenar du?
- Talet timar varierer, men eg trenar kvar dag heile veka.
- Skulen kjem i andre rekkje?
- Ja, konstaterer ho, før og moderer seg litt.
- Neida. Skule er viktig. Det er greitt å ha det travelt. Eg føler eg får ting gjort endå betre då, seier ho og smiler.
