Skal dela ut 9,3 millionar til idrett og kultur. Desse kan søkja
Vestland fylkeskommune lyser ut ekstraordinære midlar.
Midlane skal stimulera til gjenopptaking av kultur- og idrettsaktivitet etter koronapandemien. Det er til saman sett av 9,3 millionar kroner til ordninga.
Pengane skal fordelast mellom idrett og friluftsliv, frivillig kulturliv og profesjonelt kulturliv.
Artikkelen held fram under annonsen.
Målet er å gjenoppretta og stimulera til aktivitet innan både det profesjonelle og det frivillige kunst-, kultur- og idrettsfeltet i Vestland.
Fylkeskommunen opplyser at ordninga gjeld for aktørar innan det frivillige kultur- og idrettsfeltet og det profesjonelle kunst- og kulturfeltet i Vestland.
– Søkjarane må vere offentlege eller private organisasjonar, verksemder eller institusjonar, og må ha organisasjonsnummer, vert det lagt til.
