23 sjåførar får litt mindre å rutta med på nasjonaldagen

På berre éin time, var det heile 23 sjåførar som blei tatt for å køyra for fort i 70-sona.

Søndag kring klokka 13, stilte Utrykkingspolitiet seg opp ved Halhjemsvegen for å gjennomføra laserkontroll. Der stod dei kring ein time, ifølgje politioverbetjent Atle Birkeland ved Bjørnafjorden politistasjon.

— Det blei skriven ut 23 forenkla førelegg. Høgaste fart var 89 km/t i 70-sona, opplyser Birkeland.

Klager på støy

Det kom inn fleire støyklager på russen natt til laurdag. Også natt til søndag fekk politiet melding om dette.

— Natt til søndag kom det fleire klager på støy frå russen som spelte høg musikk. Mellom anna frå Sigurdsvika og Gudridflaten. Klokka 4 søndag, var politiet i Sigurdsvika for å avslutta festen, skriv Birkeland.

Promillekontroll

Søndag morgon kontrollerte UP 99 bilar på E39 i samband med ein promillekontroll. Der var det ingen reaksjonar