Difor kjem dei strenge tiltaka no
Regjeringa innfører strenge tiltak for å stansa utbrotet av den engelske og den sørafrikanske koronavirusmutasjonen i regionen vår.
Bjørnafjorden kommune har ikkje pågåande utbrot av koronavirus, men nærleiken til kommunar med pågåande utbrot og ein uoversiktleg smittesituasjon, gjer at styresmaktene anbefalar strenge tiltak hos oss.
Dei strengaste tiltaka kjem i kommunar med utbrot av mutantvirus (ring 1-kommunar). Dette gjeld Bergen, Ulvik og Kvam.
Artikkelen held fram under annonsen.
Omkringliggande kommunar - ring 2
Omkringliggande kommunar (ring 2-kommunar) får òg innført inngripande tiltak for å hindra spreiing av mutantvariantane.
Dette gjeld kommunane Alver, Askøy, Bjørnafjorden, Eidfjord, Osterøy, Samnanger, Ullensvang, Vaksdal, Voss og Øygarden.
Bjørnafjorden kommune er ein ring 2-kommune. Vi har ikkje pågåande utbrot av koronavirus, men nærleiken til kommunar med pågåande utbrot og ein uoversiktleg smittesituasjon gjer at myndigheitene anbefaler strenge tiltak hos oss.
Bjørnafjorden kommune følgjer regjeringa sine anbefalte tiltak for omkringliggande kommunar, det som blir kalla tiltaksnivå B.
