Feira fem år i drift
15. juni feira Skjelbreid Poirée-hytta fem år. - Businessen går bra, seier dagleg leiar Synnøve Austestad.
Kaffi og kaker blei servert til representantar frå kommunen, og andre som ville ta del i feiringa, då hytta fylte år 15. juni.
- Korleis har det gått med verksemda dei første fem åra?
Artikkelen held fram under annonsen.
- Businessen går bra, og vi har jamnt belegg fordelt over heile året, seier Austestad.
Tilpassar seg marknaden
I januar tilsette dei sin eigen kjøkensjef. Difor har dei i dag større fleksibilitet når det gjeld typar arrangement.
- Vi tek imot alt frå kveldsmøte til kurs som strekkjer seg over fleire dagar, og konferansar. Hovudmålet er å leggja forholda til rette for eit optimalt opphald for kvar enkelt gruppe.
Businessen går bra, men dei får også merka den generelle nedgangen i marknaden.
- Men vi tilpassar oss dagens marknad, og legg til rette for kundens ønskjer.
Auke i lokale gjestar
Gjestar på Skjelbreid Poirée kjem får heile landet, men hovudsakleg frå Vestlandet.
- Den siste tida har det vore ein auke i lokale gjester, noko vi synest er ei positiv utvikling, seier Austestad.
OM SKJELBREID POIRÉE:
Artikkelen held fram under annonsen.
Hytta på 1000 m2 er bygd og tilrettelagt for konferansar og selskap.
Hytta har 15 rom med i alt 30 sengeplassar.
Liv Grete Skjelbreid, Raphaël Poirée, Ann-Elen Skjelbreid og Egil Gjelland står bak anlegget.
Premiesamlinga deira er utstilt i hyttas peisstove: 51 VM-medaljar, sju OL-medaljar, fem krystallkular som bevis på samanlagtasigar i verdscupen, og seks kongepokalar.