Fleire straumbrot fredag kveld og natt til laurdag både på Os- og Fusa-sida

Like før kl 23 kom det melding om eit større straumbrot i området Halhjem og innover mot Os sentrum. 2.078 var på eit tidspunkt utan straum.

Kring 23.15 kom BKK med ei oppdatering over straumbrotet. På det tidpsunktet hadde ca 1.000 hustandar fått att straumen, men Haugland/Halhjem var framleis råka. Talet berørte kundar per då var 1.014.

Like før midnatt opplyste BKK om eit nytt straumbrot. Denne gongen i Hegglandsdalen. Her var per då 824 husstandar utan straum. 

Like over midnatt fekk Os & Fusaposten tips om at straumen for andre gong fredag kveld, hadde gått i Kalven/Holmefjord-området i Fusa. 

Første gongen var ca kl 19.50, ifølgje tipsar. Då skal straumen ha vore borte i nær to timar. Andre gongen var ca kl 23.40. Kl 00.13 var straumen framleis borte. 

Ifølgje Lysna sine driftsmeldingar fredag kveld, var også desse to områda i Fusa råka:

Ifølgje våre lesarar skal også straumen ha gått i Bergegrend i Fusa.

BKK melde at problemet på Halhjem/Haugland var forventa løyst kl 02.00 natt til laurdag, og i Hegglandsdalen kl 03.00.

Laurdag morgon var framleis 962 kundar berørte på Os-sida, ifølgje BKK (Lunde/Ferstad og Hegglandsdalen/Lønningdalen), medan Lysna, driftsselskapet i Fusa, ikkje hadde nokre driftsmeldingar.

Oppdatert: Kl 12 laurdag var 166 kundar berørte i Lønningdal/Hegglandsdalen-området.