Frå måndag av blir gangvegen og eitt køyrefelt stengd
Årsaka er legging av ny hovudleidning for vatn.
Måndag 12. februar startar Bjørnafjorden kommune opp arbeid med å leggja ny hovudleidning for vatn.
Fordi det skal gravast grøft frå Kiwi Idrettsvegen og sør til avkøyrsel Gymnasvegen, vil det eine køyrefeltet i Byvegen verta stengd. Det same vert gangvegen på same strekning.
Artikkelen held fram under annonsen.
Det vil bli lysregulering forbi staden.
Løvaas Maskin og Rørleggeriet står for arbeidet, som er planlagd å vara fram til 5. juli.
Kommunen vil i tida framover ta kontakt med grunneigarar som vert direkte råka av arbeida, etter kvart som framdrifta går sørover langs strekninga.
Informasjon undervegs vil bli lagt ut på Bjørnafjorden kommune sine nettsider.
