Hevar mobilkvaliteten: Os & Fusaposten lanserer ny app
Ei langt betre lesaroppleving på mobil er målet når lokalavisa denne veka lanserer ny app.
– Nyhendeappen er både raskare og enklare og gjev ei betre biletframvising. Teksten er også noko større og meir «luftig». I sum håpar me dette skal gje lesarane våre ei endå betre lesaroppleving, seier redaktør Jostein Halland.
Appen gjev avisa også høve til å bli meir aktuell overfor lesarane, mellom anna med moglegheit til å senda ut pushvarsel.
Artikkelen held fram under annonsen.
Ein vil fremdeles kunna lesa Os & Fusaposten på mobil med vanleg nettlesar under adressa osogfusa.no, akkurat som før. Men abonnentar kan no velja å «oppgradera» mobil-lesinga ved hjelp av appen, som har ei rekkje ekstra funksjonar.
- Det einaste ein treng å gjera er å lasta ned appen gratis i AppStore eller GooglePlay og logga seg inn. Etter kvart vil ein også få tilbod om å «melda seg på» pushvarsel, forklarer nettansvarleg Benjamin Søgnen Olsen som vonar så mange som mogleg tek segt tid til å lasta ned og testa ut nyvinninga.
Les meir og finn nedlastingslenkarher.
kenneth@osogfusa.no
