Hevda seg utsett for vald: Hadde kutt over nasen
Natt til fredag rykte politiet ut til ein bustad i Bjørnafjorden, der ei kvinne hevda at ho hadde blitt utsett for vald.
Klokka 3 natt til fredag tok politipatruljen kontroll på to partar i ein bustad i kommunen.
— Ei kvinne, som har kutt over nasen, sa også at ho var forslått fleire stader. Ho seier at ho er utsett for vald frå den mannlege parten på staden, skriv vakthavande ved Bjørnafjorden politistasjon i ein e-post.
Artikkelen held fram under annonsen.
Partane skal ha blitt dimitterte med pålegg om å halda seg borte frå kvarandre ut natta.
Politiet har oppretta straffesak.
— Det var tidlegare på kvelden, klokka 17.34, ein situasjon der mannen var truande og rusa på ein annan stad i nærleiken av Os sentrum. Her blei også politiet tilkalla utan å få kontakt med mannen, opplyser politiet.
