– Kong Harald gjorde ei fantastisk kongegjerning for Noreg
— Det er med stor sorg me mottek bodskapen om at han no er gått bort.
Publisert
Sist oppdatert
Ordføraren i Bjørnafjorden, Terje Søviknes, seier det er ein stor konge som no har gått ut av tida.
– Kong Harald var ein enormt fin konge. Han gjorde ei fantastisk kongegjerning for Norge i mange år, og det er med stor sorg me tek bodskapen om at han no er gått bort, seier Søviknes fredag.
Annonse
Han hadde gleda av å møta Kong Harald fleire gonger.
– Eg sat som minister i to år, og då møtte eg han jamleg i statsråd. Men også elles har eg hatt gleda av å helsa på kongen ved ulike høve, seier Søviknes.
Han trekkjer fram Kong Haralds folkelege tilnærming til dei han møtte.
– Han hadde svært god humor og var veldig glad i å prata med folk om daglegdags ting. Sjølv hadde eg fleire gonger gleda av å prata med han om heilt trivielle ting, som fisking, fortel Søviknes.
