Måtte ut og sikra den flytande saunaen
«Amy» hadde ikkje frest frå seg laurdag føremiddag. På Steinneset måtte Os Turnforening sitt mannskap ta affære.
Publisert
Sist oppdatert
I den sterke vinden vart det godt med bølgjer innaskjers i Os hamn. Det fekk det flytande sauna-anlegget til Os Turn merka. I halv tolv-tida laurdag var dagleg leiar i Os Turnforening, Vegard Leikvoll Moberg, og fleire andre nede for å sikra flytebryggja skikkeleg.
– Ved hjelp av ein kranbil frå Drange Kran og Transport fekk me plassert eit stort betonglodd som brannvesenet hadde ståande hos seg. Då fekk me noko skikkeleg å festa flytebryggja i. No ligg bryggja langt meir stabilt enn ho gjorde. Me takkar Drange Kran og Transport og Bjørnafjorden brann- og redning for god hjelp, seier dagleg leiar i Os Turn, Vegard Leikvoll Moberg.
Annonse
Han legg til at handyman Christan Bugge er ein god mann å ha i slike situasjonar.
