Ny rapport: – Hordfast kan gje 24.500 norske arbeidsplassar
Konsulentselskap spår 24.500 norske arbeidsplassar gjennom bygginga av Hordfast.
Det skriv NRK Vestland.
Det er Menon Economics som i ein fersk rapport lovar store positive økonomiske ringverknader i byggjeperioden dersom Hordfast-leddet av fergefri E39-prosjektet blir realisert, skriv NRK.
Artikkelen held fram under annonsen.
– Kan gje olje- og gassnæringa eit nytt bein å stå på, seier direktør Knut E. Sunde i Norsk Industri til nettstaden.
Rapporten er utarbeidd av Menon Economics på oppdrag for Hordfast AS, eit selskap etablert av NHO der både Hordfast-kommunane og næringsråda i regionen er inne på eigarsida.
Daglig leiar i Hordfast AS, Øyvind Halleraker, gler seg stort over tala.
– Skulle for eksempel Kværner få oppdraget med å byggja ei flytebru til 15-16 milliarder kroner, vil det skapa monaleg sysselsetting i Noreg, seier han til NRK.
Han avviser samstundes at rapporten er eit bestillingsverk for å stilla Hordfast i eit mest mogleg gunstig lys overfor kritikarane.
