Alle lokal-laga vann
Helgas serierunde i fotball var med Os og Fusa-auge smått historisk. Samtlege seniorlag vann sine kampar.
I 3. divisjon vart det solide tre-poengarar for både Os (2-0 mot Riska) og Lysekloster (10-0 mot Tertnes). I dei lågare divisjonane vart det også gode resultat - faktisk for samtlege.
Begge laga til Nore Neset tok full pott denne helga. Først vann A-Laget 6-2 borte mot Nordre Fjell 2 etter skåringar av Remi Snilstveit (2), Alexander Thuen, Ørjan Bjørgo, Aleksander Havsgård og Tore Tveit. Deretter vann andrelaget heimekampen mot Njardar Tysnes 2-0, etter skåringar av ungguten Hallvard Sandtorv.
Artikkelen held fram under annonsen.
A-laget ligg no eitt poeng bak serieleiar Inter Bergen. Komande laurdag er det klart for toppoppgjer på Nore Neset, når dei blåkledde tek imot nettopp Inter Bergen.
Nore Neset 2 ligg på andreplass i si 7. divisjonsavdeling, eitt poeng bak Bjarg 3.
Ny Os-siger
Os 2 starta også haustsesongen med siger. Heime mot Norheimsund vann dei 5-1, etter at det stod 2-1 til pause.
Måla vart skåra av Anders Havsgård (2), Egil Thuen, Ådne Onarheim og Mats Lepsøe.
Tek me med at damelaget Os/Nore Neset vann 2-0 over Voss 2 i 4. divisjon, seier det seg sjølv at Os Turn sine fotballag har fått ein fin start på haustsesongen. Måla vart skåra av Linda Johansen og Karoline Thorsvik.
Os/Nore Neset er á poeng med serieleiar Åsane 2, men har ein kamp meir spelt.
Knallstart for Fjord'n
Også i Fusa vart det ein god start for A-lagsfotballen denne hausten. Eikelandsfjorden imponerte stort då dei slo Trane 5-4 på bortebane i første haustkamp. Måla vart skåra av Petter Teige (2), Stian Tonning, Ole André Glesnes og Remi Osebakken.
Fjord'n ligg no på fjerdeplass i 6. divisjon avdeling 04, tre poeng bak serieleiar Trane.
Artikkelen held fram under annonsen.
Og som om ikkje dette var nok. Måndag vann Søfteland 3-1 borte mot Hetlevik. Dermed tryggja dei grøne og kvitstripa tabell-leiinga i 6. divisjon avdeling 01. No leiar dei med to poeng på Fri.
Søfteland sine mål vart skåra av Sindre Råheim og Ramo Racic.