Feststøy: Laurdag kveld og natt til søndag måtte politipatruljen rykka ut til fleire meldingar om feststøy. Foto: Arkiv

Fleire meldte frå om at natteroa vart forstyrra

Laurdag kveld, og natt til søndag, fekk politiet i Bjørnafjorden fleire meldingar om høg musikk, mykje folk og feststøy.

Den første meldinga kom alt klokka 19.11 laurdag.

Deretter rykte politipatruljen ut til to nye meldingar om feststøy klokka 23.54 og 02.04. Den siste meldinga kom søndag morgon, klokka 06.14.

– Det er på ulike stader i kommunen. Både ungdomar og vaksne. Meldingane går på at det er støy, festing og høg musikk. Det er som regel naboane som melder frå til politiet, opplyser politioverbetjent ved Bjørnafjorden lensmannskontor, Anne Lyssand.

Tre prikkar

Fredag føremiddag stogga politiet fleire fartssyndarar i Hegglandsdalsvegen. Laurdag ettermiddag var politiet attende.

Ei kvinne i slutten av 20-åra vart klokka 16.35 målt i 68 kilometer i timen i 50-sona, og fekk eit forenkla førelegg på 5.500 kroner og tre prikkar. Ein mann i slutten av 30-åra vart klokka 17.41 målt i 62 kilometer i timen i 50-sona, og fekk eit forenkla førelegg på 3.800 kroner og to prikkar, opplyser Lyssand.