Gut hoppa frå Osbrua. Landa i båt

Søndag, ca. kl. 12.01, vart politiet i Os varsla om ei ulukke i Os sentrum.

– Ein gut, ca 9-10 år, hadde hoppa frå Osbrua og rett i ein båt som kom køyrande frå naustsida av elva. Guten hadde gått gjennom kalesjen og knust eit vindauge etter hopp på ca. 3,5 meter, skriv fungerande politiinspektør, Anne Lyssand, i ein e-post til Os & Fusaposten.

Far til guten kom til ulukkesstaden. Det same gjorde ambulansen, som tok hand om guten.

– Guten var bevisst og gjorde godt greie for seg. Han vart køyrt til Haukeland for sjekk. Ingen brot, opplyser Lyssand.

Det vert ikkje vert oppretta sak på forholdet.