Kl 21: For kort tid sidan vart førehandsrøystene for Bjørnafjorden kommune klare. Foto: Kenneth Svenningsen

Førehandsrøystene er klare: Dette er dei tre største partia i Bjørnafjorden

Heile 7.679 personar har førehandsrøysta i Bjørnafjorden. Det er 44 prosent av dei med røysterett i kommunen, og 2.606 fleire enn i 2017.

For kort tid sidan vart førehandsrøystene for Bjørnafjorden kommune klare. Desse syner at Høgre er største parti i Bjørnafjorden med 25,5 prosent av røystene (1.948 røyster).

Neststørste parti er Arbeidarpartiet med 19,7 prosent av røystene (1.507 røyster), medan Framstegspartiet ligg hakk i hæl med 19,4 prosent av røystene (1.481 røyster).

Senterpartiet har fått 869 av førehandsrøystene i Bjørnafjorden. Det gjev partiet ein oppslutnad på 11,4 prosent. Vidare har 6,4 prosent av førehandsrøystene i kommunen gått til SV (490 røyster), 4,2 prosent til KrF (326 røyster), 3,6 prosent til Miljøpartiet Dei Grøne (272 røyster), 3,2 prosent til Raudt (246 røyster) og 2,8 prosent til Venstre (214 røyster).

96 Bjørnafjordingar har røysta på Demokratene, Industri- og Næringspartiet har fått 71 røyster, Pensjonistpartiet 54, Partiet De Kristne 23, Partiet Sentrum 13 og Liberalistene 11. Vidare har Helsepartiet fått 6 førehandsrøyster i Bjørnafjorden, Folkeaksjonen Nei til mer bompenger 5, Norges Kommunistiske Parti og Piratpartiet 3 røyster kvar, Aliansen – Alternativ for Norge 2 og Kystpartiet 1.

Av dei 7.679 førehandsrøystene var det 35 blanke, og 3 tvilsame røyster.

Slik var resultatet i stortingsvalet i Os og Fusa i 2017:

Os:

Høgre 31,6

Arbeidarpartiet 18,8

Framstegspartiet 23,1

Senterpartiet 7,1

Artikkelen held fram under annonsen.

Sosialistisk Venstreparti 4,5

Kristeleg Folkeparti 4,4

Venstre 4,3

Miljøpartiet Dei Grøne 3,9

Raudt 1,2

Fusa:

Høgre 29,9

Arbeidarpartiet 16,4

Framstegspartiet 16,9

Senterpartiet 17,8

Artikkelen held fram under annonsen.

Sosialistisk Venstreparti 3,5

Kristeleg Folkeparti 8,1

Venstre 2,9

Miljøpartiet Dei Grøne 2,4

Raudt 0,9