Har oppdaga to nye vassleidningsbrot

Kva som er årsaka til fire vassleidningsbrot i nærleiken av Os sentrum på kort tid, er førebels usikkert.

— Det kan vera følgjefeil. Det kan ha med tele å gjera, men dette er berre synsing. Per no, veit vi ikkje. Det er nett oppdaga, fortel leiar for samferdsle og VA, Agnete Haugland.

Det skal vera snakk om vassleidningsbrot i området kring Os barneskule og ved Kvernaelva. Heilt eksakt, veit dei ikkje per no.

Teknisk vakt, Robert Flister, fortel at det no blir gjort ein jobb med å kartleggja kor mange som er utan vatn.

— Bergen Vann ser på det. Vi må få omdirigert vatn, slik at alle får vatn. Det kjem nok til å bli send ut kokevarsel etter kvart, fortel Flister.

Tidlegare denne veka blei det oppdaga eitt vassleidningsbrot i Midtskogvegen og eitt under Byvegen, eit steinkast frå Os Elektro.

Det medførte vegstenging og graving på Byvegen, og i Midtskogvegen.